Virowend vum 1. Mee
zurück zu den Aktivitäten

D’Gemeng Stengefort, zesumme mat der Entente vun de Stengeforter Veräiner, luet Iech häerzlech op de Virowend vum 1. Mee an.

Mat dëser Manifestatioun gedenke mir der räicher Stolindustriegeschicht vun eiser Gemeng esou wuel ewéi dem Kampf vun de couragéierten Aarbechter fir besser Aarbechtsbedéngungen.

Donneschdes, den 30. Abrëll 2026

Rendez-vous: 18:30 Auer Chalet Steinfort Adventure (rue de Schwarzenhof)

De Cortège, begleet vun der Stengeforter Musek, geet bis bei d’Gemengenhaus fir d’Ophänke vum 1. Mee-Kranz an déi offiziell Ried vum Buergermeeschter, Sammy Wagner. 

Duerno geet et weider bei d’Skulptur vum Héichuewen, wou mir eise Stolaarbechter gedenken.    

Uschléissend geet et an d’Al Schmelz, wou d’Gemeng den Éierewäin offréiert, an d’Entente bekëmmert sech ëm d’Gegrills!

Falls et reene soll ass de Rendez-vous direkt um 19:00 Auer an der Aler Schmelz.