Loosst eis Europa feieren!
zurück zu den Aktivitäten

Am Kader vum Europadag invitéiert d’Gemeng Stengefort Iech op en Owend am Sënn vun der Commemoratioun an der Kultur Donneschdes, den 8. Mee 2025.

18:30 Auer - Square Patton    
Offiziell Ried vum Buergermeeschter Sammy Wagner             
Nidderleeë vun der Gerbe fir den europäesche Wäerter ze gedenken

19:00 Auer - Aweiung vum Demokratiebam am Haff vum Bierger*Haus

E liewegt Symbol vun der Bierger-bedeelegung: Jidderee kann sou seng Siicht op Europa oder seng Visioun fir d’Zukunft vun Europa op Flätschen schreiwen an um Bam befestegen. Deelt Är Gedanken a loosst dëse Bam mat Hoffnungen a Meenunge wuessen.        

19:30 Auer - Ausstellung  „Une Europe graphique“ am Amiperassall beim Bierger*Haus    
Eng Sammlung vun Affichen, déi d’Geschicht an d’Entwécklung vun Europa weisen, aus dem Fong vun der Fondation Jean Monnet pour l’Europe, an Zesummenaarbecht mat Europe Direct – Universitéit Lëtzebuerg            
Sproochecafé op Lëtzebuergesch    

Fir Iessen a Gedrénks ass gesuergt!    

Kommt mir feieren zesummen esou wuel d‘Eenheet ewéi d’Diversitéit vun an an Europa!